Nardaranda yaralananların vəziyyəti necədir? - Açıqlama

Ötən gün Nardaranda baş verən atışma zamanı yaralanan 3 nəfərdən birinin vəziyyəti ağırdır.
"Korrupsiya və Qanun" saytının aldığı məlumta görə bu barədə AzVision.az-a Səhiyyə Nazirliyinin mətbuat xidmətindən bildirilib.
Qeyd edilib ki, həkimlərin rəyinə əsasən yaralılardan ikisinin hazırki durumu normaldır.
Yaralılarn adları açıqlanmasa da onların 19, 28, 30 yaşlı şəxslər olduğu bildirilib.
Qeyd edək ki, bu gün Daxili İşlər Nazirliyi tərəfindən Bakı şəhərinin Nardaran qəsəbəsində xüsusi əməliyyat keçirilib. Əməliyyat zamanı polis əməkdaşlarına silahlı müqavimət göstərilərək avtomat silahlardan atəş açılıb, əl qumbarası atılıb. Hücum edənlərin davamlı atəşinə cavab olaraq xüsusi əməliyyat qrupu tərəfindən xidməti silahdan istifadə edilməklə cinayətkar dəstənin 4 üzvü məhv edilib, daha bir neçə nəfəri yaralanıb.
Əm'liyyatın keçirildiyi ərazidə, silahlı cinayətkar dəstənin tərəfdarlarının çoxalmasına baxmayaraq, polis işçiləri öz xidməti vəzifələrini sonadək mərdliklə yerinə yetirib, 2 əməkdaş qəhrəmancasına həlak olub.
Hadisə yerindən maddi sübut kimi xeyli sayda avtomat silah, əl qumbarası, soyuq silahlar və s. götürülüb. Cinayətkar dəstənin, Taleh Bağırov başda olmaqla, 14 üzvü saxlanılaraq istintaqa təqdim edilib. [xfgiven_embed] [/xfgiven_embed] [xfgiven_youtube][/xfgiven_youtube]