"Ötən gün "Abşeronneft" NQÇİ-nin 1100 saylı stasionar dəniz özülündə neft və qaz hasilatı üzrə operator işləyən Kazımov Elşən Səfiyar oğlu gündüz növbəsində olan zaman növbənin sonunda saat 19:00 radələrində iş yoldaşları tərəfindən onun özüldə olmadığı müəyyən edilib".
Bu barədə "Report"-a "Azneft" İstehsalat Birliyindən məlumat verilib.
Qeyd edilib ki, Kazımov Elşən axırıncı dəfə həmin gün saat 15:40 radələrində neftqazçıxarma ustası Əliyev Vidadiyə 1110 və 1111 saylı quyularda ölçmə işlərinin aparıldığı barədə məlumat verib. "Sonradan onun çəkmələri qaldığı evciyin qarşısında, mobil telefonu stolunun üstündə, gödəkçəsi isə həmin yerin məhəccərində asılmış vəziyyətdə tapılıb, işçinin meydançada axtarışı aparılıb, lakin onu tapmaq mümkün olmayıb. İşçinin itkin düşməsi haqqında rəhbərliyə məlumat verilib, gəmilər və dalğıclar vasitəsilə ətraf ərazidə dənizdə axtarış işləri aparılıb. Hazırda helikopter, gəmilər və dalğıclar axtarış işlərini davam etdirir",- məlumatda qeyd edilib.
Dənizdə tapılmış meyitin neftçi olduğu təsdiqlənib
Xəzərdəki sonuncu hadisədə itkin düşən 10 neftçidən 1-i tapılmayıb – Adlar
Beş il əvvəlki qəzada itkin düşən daha iki neftçinin cəsədi tapıldı
Xəzərdə kişi meyiti tapılıb
Dənizdə meyiti tapılan neftçinin şəxsiyyəti müəyyənləşdi
