Azərbaycanda 17 kişidə süd vəzi xərçəngi aşkarlanıb

"2014-cü ildə Azərbaycanda 1400 qadında, 17 kişidə süd vəzi xərçəngi aşkarlanıb".
"Korrupsiya və Qanun" saytı AzVision.az a istinadən xəbər verir ki, bunu Səhiyyə Nazirliyi Milli Onkologiya Mərkəzinin mamoloqu Elgül Əsgorova Dünya Xərçəng Günü ilə bağlı keçirilən maarifləndirmə tədbiri zamanı deyib.
Momoloq bildirib ki, süd vəzi xərçəngi xəstəliyi diaqnozu ilə mərkəzə müraciət edənlərin sayı ilbəil artır. Onun sözlərinə görə, müraciət edən xəstələrin arasında yaşı 18 olanlar da var.
"Ancaq çox yaxşı haldır ki, ötən illərlə müqayisədə xəstələr erkən mərhələdə müraciət edirlər. Bu da onların tezliklə müalicə olunub, normal həyata qayıtmasına kömək edir"-deyə Elgül Əsgərova bildirib.