Türkiyə ŞOKDA: Həbs edilənlərin sayı 6 minə çatdı

Türkiyədə iyulun 15-də baş vrmiş dövlət çevrilişinə cəhdlə bağlı həbs edilənlərin sayı 6 minə çatıb. Lent.az-ın məlumatına görə, bunu ölkənin ədliyyə naziri Bəkir Bozdağ bu gün keçirdiyi mətbuat konfransında bəyan edib.

Nazir həbs edilənlərin sayının daha da artacağını və genişmiqyaslı istintaq tədbirlərinin görüləcəyini deyib. Bildirilir ki, həbs edilənlər arasında hərbçilərlə yanaşı, prokurorlar, hakimlər, dövlət ittihamçıları, polis zabitləri, eləcə də 60-dan çox iri iş adamı da var.