Azərbaycan İdeyası

'Deputatın qardaşı qızı' 32 min dolları qaytarmır

Tarix:21-07-2016, 10:53
Baxış Sayı:418

'Deputatın qardaşı qızı' 32 min dolları qaytarmır
Bakı Ağır Cinayətlər Məhkəməsində deputat Vahid Əhmədovun qardaşı qızı olduğunu deyən Nigar Əhmədovanın mühakiməsi başlayıb.

O, bir neçə il əvvəl Rüfət Əliyev adlı vətəndaşı "Kapitalbank"da filial müdiri təyin etdirmək adı ilə ondan 32 min 500 dollar alıb qaytarmamaqda təqsirləndirilir.
Hazırda həbsdə olan Nigar Əhmədovaya qarşı CM-nin 178.3.2-ci (külli miqdarda ziyan vurmaqla dələduzluq) maddəsilə ittiham irəli sürülüb.
İyulun 20-də keçirilən məhkəmə iclasında Nigar Əhmədova ifadə verərək bildirib ki, özünü təqsirli bilmir.
Çünki pulu işə düzəltmək üçün yox, anasının xəstəliyilə əlaqədar borc məqsədilə alıb. Sonra isə imkansızlıq üzündən qaytara bilməyib.
Rüfət Əliyev isə məhkəmədə deyib ki, ondan pul borc kimi yox, məhz işə düzəltmək adı ilə alınıb. O, həmçinin pulunun geri qaytarılmasını tələb edib.
İş materiallarında Nigar Əhmədovanın özünün yazıb imzaladığı bir qeyd var. Orada pulu işə düzəltməkdən ötrü aldığını göstərib. Bu məsələyə gəlincə, Nigar Əhmədova deyir ki, Rüfət Əliyev həmin vaxt onun çarəsiz durumundan istifadə edərək, belə bir qeyd yazmağa məcbur edib: "Mən borc almışam, məni məcbur edib, ona görə belə yazmışam. Bilsəydim ki, aparıb polisə verəcək, yazmazdım".
Vahid Əhmədov
Nigar Əhmədova və məhkəmədə iştirak edən qohumları pulun qaytarılması üçün Ramella Allahverdiyevanın sədrlik etdiyi hakimlər kollegiyasından vaxt istəyib.
Məhkəmə iyulun 27-nə qədər təxirə salınıb.
Deputat Vahid Əhmədov APA-ya açıqlamasında bu adda qardaşı qızı olmadığını bildirib.
Yeri gəlmişkən, Nigar Əhmədovanın qardaşı Namiq Əhmədovun da adı bir müddət əvvəl dələduzluqda hallanıb. Həmin vaxt N.Əhmədov da mətbuatda deputat Vahid Əhmədovun qardaşı oğlu kimi təqdim olunub.

OXŞAR XƏBƏRLƏR
Azərbaycanda narkotik asılılığı olan şəxslərin sayı açıqlandı
Azərbaycanda narkotik asılılığı olan şəxslərin sayı açıqlandı
Sabirabad rayon prokuroru bələdiyyə sədrinin cəddindən qorxur?
Sabirabad rayon prokuroru bələdiyyə sədrinin cəddindən qorxur?
İmişli rayonunda makroiqtisadi göstəricilər yaxşılaşır
İmişli rayonunda makroiqtisadi göstəricilər yaxşılaşır
Keçmiş polis işçisi lisenziyasız aptek işlədir
Keçmiş polis işçisi lisenziyasız aptek işlədir
70 yaşın işığında...
70 yaşın işığında...
Mehriban Əliyevanın təşəbbüsü ilə ərsəyə gələn “Məzun Evi” sosial layihəsini kimlər korrupsiya dalanına dirəyib
Mehriban Əliyevanın təşəbbüsü ilə ərsəyə gələn “Məzun Evi” sosial layihəsini kimlər korrupsiya dalanına dirəyib
Onun ürəyi xalqıyla döyünür.
Onun ürəyi xalqıyla döyünür.
Xəzər rayon rəhbərliyi I Vitse-Prezidentin göstərişinə məhəl qoymur
Xəzər rayon rəhbərliyi I Vitse-Prezidentin göstərişinə məhəl qoymur