Zaqatala rayonunda sahibkara qarşı quldurluq edilib. Daxili İşlər Nazirliyinin mətbuat xidmətindən Criminal.az-a verilən məlumata görə, iyulun 3-də Zaqatala rayonunun Aşağı Tala kənd sakini Ramiz Quliyev Rayon Polis Şöbəsinə müraciət edərək həmin gün yaşadığı kəndin ərazisindən həmkəndliləri Kamil Həmzəyev, Elçin Zeynalov və Anar Məmmədov tərəfindən avtomobilə oturdularaq kəndin kənarına aparılmasını, orada onu bıçaqla hədələyib 60000 manat pul tələb edilməsini, vermədiyindən döyülməsini və ayağına bıçaqla xəsarət yetirilməsini bildirib.
Baş Mütəşəkkil Cinayətkarlıqla Mübarizə İdarəsi və Zaqatala Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində A.Məmmədov tutulub. Onun evinə baxış zamanı 608 qram marixuana, “İJ” markalı tüfəng və 42 ədəd patron aşkar edilərək götürülüb.
Davam etdirilən əməliyyat tədbirləri ilə Kamil Həmzəyev və Elçin Zeynalov da tutulublar.
Qeyd edək ki, R. Quliyev sahibkarlıq fəaliyyəti ilə məşğul olur.
Narkobaronlarla polis arasında atışma - AZƏRBAYCANDA
Polis əməliyyat keçirdi: silah-sursat tapıldı
Polis kimi həbs etdi, amma cinayətkar imiş... - Novxanıda keçmiş ''zek''lər qandallandı
Bakıda polisə bıçaqla hücum oldu
"Bandotdel" əməliyyat keçirdi - evdən silah-surat tapıldı
