Zaqatalada narkotik vasitələrin qanunsuz dövrüyyəsi ilə məşğul olmaqda şübhəli bilinən iki nəfər saxlanılıb. Kanal S (Region TV) xəbər verir ki, Mingəçevir sakini Kərim Nəcəfov avtomobil ilə Zaqatala ərazisində hərəkətdə olarkən polis əməkdaşları tərəfindən saxlanılıb.
Onun avtomobilinə baxış keçirilib və orada gizlədilmiş 21 ədəd kibrit qutusunda qablaşdırılmış marixuana aşkarlanaraq götürülüb. Məlum olub ki, Kərim tanışı, Balakən sakini Elnur Məmmədovla Zaqatalanın Mazıx kəndi ərazisində görüşərək ondan həmin narkotik vasitəni 650 manata alıb.
Keçirilmiş əməliyyat nəticəsində Elnur da tutularaq istintaqa təhvil verilib. Faktla bağlı Zaqatala RPŞ-də cinayət işi başlayıb, istintaq aparılır. 
"Başımdakı ağrılara görə çəkirəm" - Keçmiş məhkum (FOTO)
Narkobaronlarla polis arasında atışma - AZƏRBAYCANDA
Şəkidə 78 kiloqramdan çox çətənə kolu məhv edilib
Şəkidə evdən 1 kq narkotik çıxdı
Ayaqqabısından və corabından narkotik çıxdı
