Gənc oğlan dayısını bıçaqladı - FOTO

Qax rayonunda bıçaqlanma hadisəsi baş verib. "Report"un Şimal-Qərb bürosu xəbər verir ki, hadisə bu gün axşam saatlarında rayonun Şıxlar kəndində qeydə alınıb.

Belə ki, kənd sakini, 1963-cü il təvəllüdlü Əfqan Əhməd oğlu Xəlilov ailə münaqişəsi zəminində öz bacısı oğlu, 1981-ci il təvəllüdlü Əhmədov Oruc Nurməhəmməd oğlu tərəfindən bıçaqlanıb. O, bədənin çoxsaylı kəsilmiş-deşilmiş yarası xəsarətləri ilə Qax Rayon Mərkəzi Xəstəxanasına çatdırılıb.

Ə.Xəlilovun vəziyyəti orta-ağır olaraq qiymətləndirilir. Dayısını bıçaqlayan şəxs polis tərəfindən saxlanılıb. Faktla bağlı Qax Rayon Polis Şöbəsində araşdırma aparılır.