Bakı Ağır Cinayətlər Məhkəməsində qətl törətməkdə təqsirləndirilən Zaur Manafovun cinayət işi üzrə məhkəmə prosesi başa çatıb. "Report"un xəbərinə görə, hakim Əfqan Hacıyevin sədrliyi ilə keçirilən prosesdə təqsirləndirilən şəxsə hökm oxunub.
Məhkəmənin hökmü ilə Z.Manafov 17 il müddətinə azadlıqdan məhrum edilib.
Qeyd edək ki, hadisə 2015-ci il iyulun 31-dən avqustun 1-nə keçən gecə Binəqədi qəsəbəsində qeydə alınıb. Qəsəbə sakinləri Sərxan Mahmudov və Z.Manafov münaqişə zəminində bir-birinə bıçaqla xəsarət yetiriblər.
Nəticədə xəstəxanaya yerləşdirilən yaralılardan S.Mahmudov orada dünyasını dəyişib. Daha sonra Z.Manafov Binəqədi Rayon Polis İdarəsinin əməkdaşları tərəfindən saxlanılıb. O, Cinayət Məcəlləsinin 120.1-ci (qəsdən adam öldürmə) maddəsi ilə ittiham olunub.
.jpg "Avtobusda arvadını öldürən kişiyə 18 il iş verildi")
Avtobusda arvadını öldürən kişiyə 18 il iş verildi
Məmurun oğlunu öldürən şəxsə hökm oxundu
Külli miqdarda pul mənimsəyən vəzifəli şəxsə 7 il 6 ay HƏBS
Bakıda namus üstündə qətl törədən şəxs: "Onları bağ evində bir yerdə gördüm"
Bakıda 130 min manat mənimsəyən qadına AĞIR CƏZA
