İsa Qəmbərin oğlu Bakı şəhər Baş Polis İdarəsinə aparıldı - FOTO

NİDA Vətəndaş Hərəkatının idarə heyətinin üzvü Turqut Qəmbər saxlanılıb.

Criminal.az-ın Lent.az-a istinadən məlumatına görə, o, Bakı Apellyasiya Məhkəməsinin qarşısında saxlanılıb və Bakı Şəhər Baş Polis İdarəsinə aparıldığı bildirilib.

Bu gün Bakı Apellyasiya Məhkəməsində təşkilatın digər üzvü Elgiz Qəhrəmanın həbs-qətimkan tədbirindən verilən şikayətə baxılıb.

Qeyd edək ki, Turqut Qəmbər Müsavat partiyasının sabiq başqanı İsa Qəmbərin oğludur.