Peterburqda azərbaycanlıların bazarında yenə atışma oldu

Bu gün səhər saatlarında Rusiyanın Sankt-Peterburq şəhərinin ən iri topdansatış meyvə-tərəvəz bazası “Sofiysk”də atışma baş verib.

Virtualaz.org fontanka.ru-ya istinadən xəbər verir ki, saat 7 radələrində bazanın ərazisində silah səsləri eşidilib, bazarın işçilərindən biri travmatik tapançadan digərinə atəş açıb və hadisə yerindən qaçıb.

İnsidentlə bağlı bazara çoxsaylı polis naryadı, o cümlədən OMON göndərilib.

Bazarın giriş-çıxışı bağlanıb. “Sofiysk” meyvə-tərəvəz bazası azərbaycanlıların nəzarətindədir və adı tez-tez kriminal hadisələrdə hallanır. Bu ilin iyun ayında bazarda azərbaycanlı güllələnib. Onu güllələyən və qətlin sifarişçisi də azərbaycanlı olub.