Tovuzda mülki şəxs minaya düşdü, ayağını kəsdilər -

Tovuzda mal-qara axtarışına çıxan mülki şəxs minaya düşüb.
Hadisə Tovuzun Ağbulaq kəndində qeydə alınıb. TTV-nin çəkiliş qrupu dərhal əraziyə gəlib.
"Korrupsiya və Qanun" qəzetinin fikrinə istinadın Mill.Az xəbər verir ki, televiziyanın müxbirinin verdiyi məlumata görə, minaya kənd sakini Elvin Qafarov itən mal-qarasını axtararkən açıq ərazidə düşüb. Nəticədə o, ağır qəlpə yarası alıb. Elvin Qafarov sol ayağından amputasiya olunub, sağ ayağında isə qəlpə yaraları var. Yaralı Tovuz Mərkəzi Rayon Xəstəxanasına yerləşdirilib.
Xəstəxanadan TTV-yə verilən məlumata görə, onun vəziyyəti ağırdır.