Müəllimə işləyən arvadını vəhşicəsinə qətlə yetirən şəxsə ağır cəza

Həyat yoldaşını döyərək öldürməkdə təqdirləndirilən şəxsin cinayət işi üzrə məhkəmə prosesi başa çatıb.
Korrupsiya və Qanun saytı Musavat.com a istinad olaraq xəbər verir ki, Bakı Ağır Cinayətlər Məhkəməsində Namiq Əkbərzadənin cinayət işi üzrə məhkəmə prosesi hakim Faiq Qəniyevin sədrliyi ilə keçirilib.
Bildirək ki, qətlə yetirilən 2 uşaq anası 37 yaşlı Dilarə Hüseynovadır. Onu qətlə yetirməkdə təqdirləndirilən şəxs isə 1974-cü il təvəllüdlü əri Əkbərzadə Namiq İsa oğludur.
Bu gün baş tutan məhkəmədə təqdirkəndirilən şəxsə hökm oxunub. Hökmə əsasən 10 il 6 ay müddətinə azadlıqdan məhrum edilib.
Qeyd edək ki, qətlə yetirilən D.Hüseynova Bakı Biznes və Koorperasiya Kollecində müəllim işləyib.
Əkbərzadə Cinayət Məcəlləsinin 126.3-cü (qəsdən sağlamlığa ağır zərər vurma ölümə səbəb olduqda) və 120.1-ci maddələri ilə təqsirli bilinir.
N.Əkbərzadə arvadını qətlə yetirməsinin səbəbini izah edərkən bildirmişdi ki, aralarında tez-tez mübahisə olub. Sonuncu dəfə isə arvadı ona uşaqlarından birinin ondan olmadığını deyib. N.Əkbərzadə bu sözdən sonra arvadını qətlə yetirmək qərarına gəldiyini söyləyib.