Bərdə rayonunda ağır yol-nəqliyyat hadisəsi baş verib.
Korrupsiya və Qanun saytının Report-a istinadən məlumatına görə, hadisə rayonun Heydər Əliyev prospektində qeydə alınıb. “VAZ 21011” markalı avtomobillə Bərdə Rayon Polis İdarəsinə məxsus “Fiat” markalı avtomobil toqquşub.
Hadisə nəticəsində “VAZ 21011” markalı avtomobilin sürücüsü və sərnişin ağır xəsarət alıblar. Yaralılar təcili tibbi yardım avtomobili ilə rayon xəstəxanasına aparılıb. Polis əməkdaşlarından isə xəsarət alan olmayıb.
Hadisəyə səbəb “VAZ 21011” markalı avtomobilin sürücüsünün idarəetməni itirməsi olub. O, idarəetməni itirərək qarşıda gedən polis avtomobilinə çırpılıb. Bundan sonra avtomobil yolun kənarındakı hasara dəyib.
Faktla bağlı araşdırma aparılır.
Bakıda avtomobil işıq dirəyinə çırpılıb, xəsarət alan var
21 yaşlı oğlan qaçırdığı avtomobillə qəza törətdi
Sabirabadda ağır qəza - Sürücü öldü
Lənkəranda maşın kollektora düşdü: 2 yaralı
Azərbaycanda iki avtomobil toqquşub, 1 nəfər ölüb, 7 nəfər yaralanıb
