SON DƏQİQƏ – Mingəçevirdə yenidən yanğın başladı – FOTOLAR, VİDEO (YENİLƏNDİ)

Mingəçevirdə yerləşən “Azərbaycan İES”-dəki yanğının video və fotoları yayılıb. Bir sıra iddialara görə, hazırda da yanğın davam edir.
Minval.info-ya çatan məlumata görə, nasaz olan açarların birində yanğın başlayıb: “Dünən Baş prokuror da Prezident qarşısında dedi ki, elektrik açarları müasir deyil. Hazırda o açarlardan biri yanır!.
Fövqəladə Hallar Nazirliyinin yanğınsöndürənləri yanğının tezliklə ram edilməsinə və yenidən ciddi problem baş verməməsi üçün yanğının tez bir zamanda söndürülməsi üçün çalışırlar.

****

Minval.info xəbər verir ki, Fövqəladə Hallar Nazirliyinin Dövlət Yanğından Mühafizə Xidmətinin qüvvələri yanğını qısa zamanda söndürüblər. Bu barədə FHN-nin rəsmi saytında məlumat verilib:
05.06.2018-ci il tarixdə saat 08:25-də Böhran Vəziyyətlərində İdarəetmə Mərkəzinə Mingəçevir şəhərində “Azərbaycan İES” MMC-nin ərazisində yanğın olması barədə məlumat daxil olub. Dövlət Yanğından Mühafizə Xidmətinin yanğınsöndürənləri saat 08:28-də hadisə yerinə çatıb. Yanğın zamanı cərəyan transformatorlarından birinin açarı, sarğıları və ətrafa dağılmış 400 m² sahədə transformator yağı yanmışdır. Digər transformatorlar yanğından mühafizə olunub.
Yanğın saat 08:46-da yanğınsöndürənlər tərəfindən söndürülüb.
Hazırda İES normal rejimdə fəaliyyətini davam etdirir.