"Civənin 1 kiloqramını 7 min manata satmaq istəyirdik"

Goranboyda civənin qanunsuz dövriyyəsi ilə məşğul olan şəxslər saxlanılıb.
"Korrupsiya və Qanun" qəzetinin məlumatına istinadən Region TV-yə istinadən xəbər verir ki, cinayətkar qrupun üzvləri 2 kiloqramdan artıq civəni satmaq istəyərkən ələ keçib.
Goranboy Rayon Polis Şöbəsinin əməkdaşlarının keçirdiyi əməliyyat axtarış tədbirləri zamanı Şəki şəhərində anadan olan Vüqar Novruzov saxlanılıb. O, Goranboy rayonu Qızıhacılı qəsəbəsində 1 ədəd şüşə qabın içərisində olan 2 kq 720 qram çəkidə civəni satmaq istəyərkən ələ keçib.
Araşdırma zamanı məlum olub ki, Vüqar Novruzov civəni Yevlax rayonunun Aran qəsəbəsində yaşayan Əkbər Nəcəfovdan alıb.
Əkbər Nəcəfov, saxlanılan şəxs: "Civə məndə çoxdan var, 1985-ci ildən bizdədir. 3 dəfə də gəlib baxıblar, deyiblər ki, yaramır. "Xolodelnik"in yanında saxlayırdım civəni. Bir dəfə söhbət düşəndə, dedi ki, mən adam taparam, danışıb verərik".
Vüqar Novruzov, saxlanılan şəxs: "Civəni satacağımız adamı 3 ildən çoxdur tanıyırıq. 1 kiloqramını 7 min manata satmaq istəyirdik".
Faktla bağlı Goranboy RPŞ-də cinayət işi qaldırılıb, araşdırma aparılır. [xfgiven_embed] [/xfgiven_embed] [xfgiven_youtube][/xfgiven_youtube]