Bakıda kişinin küçədə başı kəsildi

"Korrupsiya və Qanun" qəzetinə istinadən Nizami Rayon Polis İdarəsindən APA-ya məlumatına görə, hadisə bu gün saat 10.30 radələrində Qara Qarayev 55 ünvanında qeydə alınıb. 25-30 yaşlarında kişi küçədə naməlum şəxs tərəfindən bıçaqlanaraq qətlə yetirilib.
Hadisə yerinə Nizami Rayon Polis İdarəsinin və rayon prokurorluğunun əməkdaşları gəlib. Hazırda hadisəni törədən şəxs və ya şəxslərin, həmçinin qətlə yetirilən şəxsin kimliyinin müəyyənləşdirilməsi istiqamətində tədbirlər davam etdirilir.
Hadisə şahidlərinin APA-ya verdikləri məlumata görə, qətlə yetirilən şəxsin başı kəsilib. [xfgiven_embed] [/xfgiven_embed] [xfgiven_youtube][/xfgiven_youtube]