Türk polisi 500 nəfərlik əməliyyata başladı

Türkiyənin Diyarbəkir vilayətinin Dağlar rayonunda 500 polisin iştirakı ilə təhlükəsizlik əməliyyatı keçirilib.

Axar.az xəbər verir ki, Diyarbəkir Polis İdarəsinin rəisi Adnan Daşdan təlim məqsədi ilə keçirilən əməliyyatda şəxsən iştirak edib.

Təlim rayonun 6 nöqtəsində baş tutub. Burada xüsusi təyinatlı polislərdən ibarət qruplar küçələrdə şərti şübhəli şəxsləri yoxlayıb.

Daha sonra vətəndaşlarla görüşən Adnan Daşdan sakinlərin problemlərini dinləyib, göstərişlər verib.

Təlimlərdən sonra jurnalistlərə açıqlama verən Adnan Daşdan insanların təhlükəsiz gediş-gəlişini bərpa etmək üçün belə bir təlim keçirdiklərini deyib:

“Məqsədimiz odur ki, insanlar daha dinc və etibarlı şəkildə yaşasın. Asayişi qoruyacağıq. Yeni bölgələr yaratmışıq”.

Xatırladaq ki, 15 martdan etibarən PKK terrorçuları bölgədə barrikadalar qurmuş, vətəndaşlara məxsus xeyli avtomobili yandırmışdı. Bir həftə davam edən əməliyyatlardan sonra vəziyyət bir qədər normallaşıb [xfgiven_embed] [/xfgiven_embed] [xfgiven_youtube][/xfgiven_youtube]