“Ağıl dəryası”nın iştirakçısı şəhid oldu - FOTOLAR

Ermənilərlə həmsərhəd olan Tovuz rayonunun Əlibəyli kəndində Azərbaycan ordusunun əsgəri Xanəli Fəttayev erməni gülləsindən dünyasını dəyişib.
Korrupsiya və Qanun saytı xəbər verir ki, Bu barədə Xanəli Fəttayevin yaxınları məlumat veriblər.
18 yaşlı əsgər 4 ay öncə hərbi xidmətə yollanıb. Xanəli Fəttayevin ölüm xəbəri bu gün günorta saatlarında ailəsinə verilib. Onun səhər saat 6:00 radələrində şəhid olduğu deyilib. Ailədən bildirilib ki, gecə saatlarında övladlarının cənazəsi ailəyə təhvil veriləcək və hadisə haqqında ətraflı məlumat təqdim olunacaq.
Qeyd edək ki, mərhumun ailəsi Bakının Binə qəsəbəsində, "Südçülük sovxozu" adlanan ərazidə yaşayır.


Sosial şəbəkələrdə yaylan məlumata görə , mərhum vaxtilə ANS TV-nin "Ağıl dəryası" layihəsinin iştirakçısı olub. Bu barədə "Ağıl dəryası" verilişinin keçmiş aparıcısı Murad Əzimzadə öz "Facebook" hesabında yazıb.
Allah rəhmət etsin!
Mərhumun hərbi xidmətə yollandığı gün yazdığı status diqqəti cəlb edir. Həmin statusu və şəhidin sosial şəbəkədə paylaşdığı digər şəkilləri təqdim edirik: