ANAMA Cocuq Mərcanlıda əməliyyatları dayandırıb

“Hava şəraiti ilə əlaqədar Cocuq Mərcanlı kəndində axtarış əməliyyatları dayandırılıb”
Bunu hazırda ANAMA-nın baş əməliyyat mütəxəssisi Adil Aslanov deyib. O, bildirib ki, evlərə və onların ətrafına giriş xətləri tam açılıb:
“Hazırda ərazi qarla örtülüb. Belə hava şəraitində əməliyyat aparmaq olmur. Hava şəraiti yaxşılaşmağa doğru gedir. Yaxın günlərdə axtarış əməliyyatlarının bərpa olunması gözlənilir. Hava şəraiti imkan verən kimi evlərin içində axtarışa başlayacağıq. Dağılmış evlərin içərisində partlamamış hərbi-sursatların olması ehtimalı var. Həmin ərazilərdə xüsusi texnikalardan istifadə edərək təmizlənmə işlərini həyata keçirəcəyik”.
Qeyd edək ki, Cocuq Mərcanlı kəndində minatəmizləmə əməliyyatlarının aparılacağı ərazinin ölçüsü müəyyənləşdirilib. Belə ki, 300 hektar ərazidə əməliyyatlar aparılacaq.
[xfgiven_embed] [/xfgiven_embed] [xfgiven_youtube][/xfgiven_youtube]