Azərbaycan İdeyası

“İtkilərimiz böyük olacaq” – Ermənilər Qarabağı tərk edir – İKİNCİ APREL QORXUSU

Tarix:27-02-2017, 11:12
Baxış Sayı:594

 “İtkilərimiz böyük olacaq” – Ermənilər Qarabağı tərk edir – İKİNCİ APREL QORXUSU
Ermənistan hərbi birləşmələrinin təxribat hücumundan sonra Dağlıq Qarabağda yaranmış hərbi gərginlik erməniləri ciddi şəkildə narahat edir.
Publika.az xəbər verir ki, Ermənistan ictimaiyyəti ikinci “aprel şokunu” yaşamaq istəmir və buna görə də Sarkisyan hakimiyyətini ittiham edir.
Erməni siyasətçilər isə baş verənlərin Ermənistanın xeyrinə olmadığı düşüncəsindədirlər. Xüsusilə, onlar Qarabağda üçüncü müharibənin başlaya biləcəyi və bunun Ermənistana təsirlərindən narahatdırlar.
Ermənistanın keçmiş müdafiə naziri Vaqarşak Artünyan bildirib ki, ermənilər müharibə vəziyyətində olduqlarını dərk etməlidirlər: “Biz müharibəyə hazırlaşmalıyıq, əks təqdirdə itkilərimiz və ümumiyyətlə, ölkə olaraq itirdiklərimiz böyük olacaq”.
V.Artünyan Azərbaycanın Ermənistana qarşı blokada siyasətinə diqqət çəkib və bunun pis nəticələri haqda xəbərdarlıq edib.
“Rəsmi Bakının blokada siyasəti Ermənistanın gələcəyi üçün yaxşı deyil. Çünki bu siyasətə görə iqtisadi vəziyyət yaxşı deyil və nəticə olaraq, ermənilər Qarabağı, eləcə də Ermənistanı tərk edirlər. Hətta Azərbaycan prezidenti İlham Əliyev bildirib ki, onlar Qarabağa, Zəngəzura, İrəvana sülh yolu ilə qayıdacaqlar. Bu məhz ondan xəbər verir ki, ermənilər ölkəni tərk edir, nəticədə, Azərbaycan Qarabağı da, digər əraziləri də müharibə olmadan qaytarır”, - deyə o bildirib.
Erməni politoloq Stepan Qriqoryan Qarabağda üçüncü müharibənin başlayacağını bildirib.
Onun fikrincə, Qarabağ münaqişəsi “dondurulmayıb”.
“Cəbhədə baş verənlər münaqişənin “dondurulmadığını” göstərir və nəticədə, beynəlxalq cəmiyyət razılaşdı ki, status-kvo yolverilməzdir, münaqişə həll edilməlidir. Burada erməni diplomatiyasının məğlubiyyətini açıq-aydın görürük. Diplomatiya hadisələrə adekvat reaksiya verə bilmir”, - deyə Qriqoryan bildirib.

OXŞAR XƏBƏRLƏR
Həyət evi olanların nəzərinə: sentyabrın 1-dən...
Həyət evi olanların nəzərinə: sentyabrın 1-dən...
Sabah daha 3 itkin-şəhid dəfn olunacaq
Sabah daha 3 itkin-şəhid dəfn olunacaq
Beyləqan səhiyyəsinə ağır itki üz verib - FOTO
Beyləqan səhiyyəsinə ağır itki üz verib - FOTO
Suriyanın “Vətən” saytında Mehriban Əliyeva haqqında məqalə dərc olunub
Suriyanın “Vətən” saytında Mehriban Əliyeva haqqında məqalə dərc olunub
Sabah 39 dərəcə isti olacaq - PROQNOZ
Sabah 39 dərəcə isti olacaq - PROQNOZ
"Sədərək"dəki yanğına görə sahibkarlara dəymiş ziyanı kim ödəyəcək?
"Sədərək"dəki yanğına görə sahibkarlara dəymiş ziyanı kim ödəyəcək?
Gəncədə 29 yaşlı oğlan bıçaqlanıb,
Gəncədə 29 yaşlı oğlan bıçaqlanıb,
"Sədərək"də yanğın zamanı 12 nəfər tüstüdən zəhərlənib - YENİLƏNİB
"Sədərək"də yanğın zamanı 12 nəfər tüstüdən zəhərlənib - YENİLƏNİB