Böyük müharibə”nin başlaması ehtimalı azdır”

Elxan Mehdiyev: “Unikal imkan əldən verilib”
Bu günlərdə təmas xəttində vəziyyətin gərginləşməsi böyük müharibənin başlana biləcəyi ilə bağlı ehtimallara yol açıb. Maraqlıdır, son gərginlik belə bir müharibənin başlanmasına rəvac verə bilərmi? Proseslərin bununla tətiklənməsi mümkündürmü?
Moderator.az-a açıqlama verən siyasi şərhçi Elxan Mehdiyev belə bir müharibənin başlamasını indiki halda real hesab etmədiyini bildirib:
“Böyük müharibə ötən ilin aprelində uğurla başa çata bilərdi. Azərbaycan siyasi rəhbərliyi bu cür unikal imkandan istifadə etmədisə, indiki çətin vəziyyətdə buna gedəcəyi heç də ağlabatan deyil. O zaman Azərbaycan ordusu düşmənin cəbhə xəttini bir saatın içində darmadağın etdiyi halda, onların irəlilməsinə izin verilmədi. Hansı ki, ordumuzun irəlilməsinə icazə verilsəydi, iki günə 2-3 rayonu işğaldan azad edərdilər. Amma indi ermənilər əllərindəki silah və texnikanın hamısını təmas xəttinə yığıblar. Bir sözlə, o vaxtkı vəziyyətlə indiki vəziyyət arasında fərq böyükdür”.