Şəhid əsgərimizin il mərasimi keçirildi - FOTOLAR

Şəhid əsgərimiz Tahirli Natiq Namiq oğlunun il mərasimi keçirilib.
İl mərasimi Şəhidimizin doğulduğu və dəfn edildiyi Lerik rayon Almu kəndində keçirilib. Mərasimdə rayon rəhbərliyi və Şəhidimizin yaxınları iştirak edib.
Bu haqda Moderator.az -a Şəhidimizin atası Tahirli Namiq özü məlumat verib.
Xatırladaq ki, aprel döyüşlərinin iştirakçısı olan Şəhid əsgərimiz Tahirli Natiq Namiq oğlu 1997-ci il oktyabrın 28-d anadan olub. Bakı şəhəri Nizami rayon 12 saylı orta məktəbini bitirib. Neft Kimya texnikomuna daxil olan Şəhidimiz təhsilini saxlayaraq hərbi xidmətə yollanıb. Arzusu hərbi xidmətdən sonra təhsilinə davam etmək olan Şəhid əsgərimiz 2016-cı il mayın 16-dan 17-ə keçən gecə cəbhənin Goranboy rayonu Tapqaraqoyunlu kəndində düşmənin atəşkəsi pozması nəticəsində qəhrəmancasına Şəhid olub.


[xfgiven_embed] [/xfgiven_embed] [xfgiven_youtube][/xfgiven_youtube]