Ermənistan silahlı qüvvələrinin Tovuz rayonunun Qaralar kəndini atəşə tutması nəticəsində yaralanan Ramin Yusifovun vəziyyəti stabildir.
Bu barədə Tovuz rayon Mərkəzi Xəstəxanasının baş həkimin müalicə işləri üzrə müavini Mahirə Quliyeva deyib.
O bildirib ki, R.Yusifov aşağı ətraflardan çoxlu qəlpə yarası alıb.
“Dünən bizə daxil olanda vəziyyəti orta-ağır idi. Təcili olaraq lazımi yardım göstərilib. Hazırda stasionar şəraitdə müalicəsini davam etdirir”.
Qeyd edək ki, dünən Ermənistan Silahlı qüvvələri Tovuz rayonunun Qaralar kəndini atəşə tutublar. Hadisə nəticəsində bir dinc sakin yaralanıb. Yaralanan şəxs 2004-cü il təvəllüdlü Yusifov Ramin Sabir oğludur. O, öz həyətlərində olarkən həyətə mərmi düşüb. Mərminin qəlpələri Yusifov Ramini ağır şəkildə yaralayıb.
Bədənində çoxsaylı qəlpə yarası alan Ramin Yusifov dərhal təcili tibbi yardım maşını ilə xəstəxanaya aparılıb. Çoxsaylı qəlpə yarası alan yeniyetmə həkimlər tərəfindən təcili əməliyyat olunub.(AzVision.az)
Atası ermənilərin yaraladığı uşağı xəstəxanadan çıxardı – Səbəb
Erməni gülləsinə tuş gələn uşağın səhhəti ilə bağlı açıqlama – “2 qəlpə hələ çıxarılmayıb”
Paytaxt sakini Tovuzda qəlpə yarası alıb
Ermənilərin yaraladığı qadının müalicəsi davam etdirilir
Tovuzda mülki şəxs minaya düşdü, ayağını kəsdilər -
