Ordu əsgəri öz tabel silahını satdı...- Gözlənilməz

İsraildə yəhudi əsgərin öz rəsmi tabel silahını satması haqda xəbərlər yayıldı.

Korrupsiya-q.az -ın İsrail mediasına istinadla verdiyi xəbərdə deyilir ki, bazar ertəsi - noyabrın 27-də “SAXAL” əsgərlərindən biri Mişmar Ha-Negev adlanan məntəqədə guya “milli nifrət zəminində hücuma məruz qalması” və nəticədə silahının oğurlanması haqda məlumat verib.
Polis dərhal şübhəlilərin axtarışı üçün genişmiqyaslı əməliyyata başlayıb. Mişmar Ha-Negev ətrafında blok-postlar qurulub, səmaya polis vertolyotu qaldırılıb. Əsgərin sözlərinə görə, “SAXAL” bazasının ərazisində avtobus dayanacağını qoruyurmuş. Növbəsinin sona çatmasına yaxın bir vaxtda (16: 00-18: 00) dayanacağa “Toyota” yaxınlaşıb. Avtomobildən çıxan maskalı bir kişi əsgərə ərəbcə silahını yerə qoymağı əmr edib vəonun üzərinə cumub. Elə o andaca daha 2 maskalı ərəb avtomobildən atılaraq yəhudi əsgərə hücum edib. Quldurlar onun silahını götürərək avtomobilə minib qaçıblar. Ancaq hərbi polis belə nəticəyə gəlib ki, bütün olay əsgər tərəfindən uydurulub. Və əslində əsgər tabel silahını kriminal elementlərə satıb. Əsgərin vəkili isə onun bu cür ittihamları tamamilə inkar etdiyini və istintaqla əməkdaşlığa davam etdiyini söyləyib.