Dünya çempionatına start verilir: Azərbaycanın beş güləşçisi xalça üzərinə çıxacaq

Bu gündən Bakıda güləş üzrə U17 dünya çempionatına start verilir.
Yarışın ilk günündə beş çəkidə mübarizə aparacaq yunan-roma güləşçiləri xalça üzərinə çıxacaqlar.

Belə ki, bu gün 48, 55, 65, 80, 110 kq-da mübarizə aparan idmançılar güclərini sınayacaqlar.

Qeyd edək ki, ilkin mərhələ görüşləri 10:30-da start götürəcək. 17:15-də yarışın açılış mərasimi, 18:00-da isə yarımfinallar başlayacaq.

1/8 final

48 kq

Ömər Salmanov - Avinaş Çetake (Hindistan)

Təsnifat mərhələsi

55 kq

Qurban Məcnunov - Alixan Minazarov (Qırğızıstan)

65 kq

Orxan Həbibli - Qaspar Sançes (Çexiya)

80 kq

İsfahan Həsənov - Toma Yelenç (Xorvatiya)

110 kq

Emin Baxşəliyev - Andrey Simiç (Serbiya)

Qeyd edək ki, U17 güləş üzrə dünya çempionatı 27 iyul - 2 avqust tarixlərində Milli Gimnastika Arenasında baş tutacaq.