Keniyalı Aqnes Nqetiç Kopenhagendə keçirilən şosse qaçışı üzrə dünya çempionatında sırf qadınlar arasında yarımarafon məsafəsində (kişi peysmeykerlərin iştirakı olmadan) yeni dünya rekorduna imza atıb.
O, 21,1 km məsafəni 1 saat 5 dəqiqə 15 saniyəyə qət edib.
Əvvəlki rekord onun həmyerlisi Peres Cepçirçirə məxsus idi (1:05.16) və 2020-ci il oktyabrın 17-də müəyyənləşdirilmişdi.
Peysmeyker - orta və uzun məsafələrdə (800 metrdən başlayaraq) müəyyən məsafə kəsiyi ərzində qaçışa liderlik edən və tempi müəyyənləşdirən idmançıdır.
25 yaşlı Nqetiç 2024-cü ilin yanvarında Valensiyada keçirilən qaçışda qarışıq növ üzrə 10 km məsafəni şossedə və ya stadionda 29 dəqiqədən tez (28.46) qət edən ilk qadın kimi tarixə düşüb. 2025-ci ilin aprelində isə Nqetiç sırf qadınlar arasında keçirilən qaçışda 10 km məsafə üzrə dünya rekordunu (29.27) yeniləyib.
Dünya çempionatının finalında şok statistika: Rekord yeniləndi
İki güləş millimiz Dünya Kubokuna vəsiqə qazanıb
Dünya çempionu həm də rekordçu oldu: İspaniyadan tarixi nəticə
60 yaşlı veteranımız doqquzuncu dəfə dünya çempionu oldu - FOTO
14 yaşlı dünya çempionu: Şahmat tacını Azərbaycana gətirmək istəyirəm
