Evdən 7 min dollarlıq qızılı oğurlandı

Hadisə rayonun Aşıq Alı küçəsi ev 3-də qeydə alınıb.
Korrupsiya-q.az ONN media -a istinadla xəbər verir ki, həmin mənzildə yaşayan Tural Əsgərov evə gələndə gözlərinə inanmayıb. Evin dolabı tamam dağıdılıb, içidəki əşyaları isə yerə atıblar. Dərhal ərazi üzrə 18-ci Polis Bölməsinə məlumat verən zərərçəkənin zəngindən sonra əməliyyatçılar həmin mənzilə gəliblər. Lazımi əməliyyat tədbirləri aparılıb, əl-barmaq izləri götürülüb və zərərçəkənin izahatı alınıb.
Faktla bağlı Nərimanov RPİ-nin İstintaq şöbəsində cinayət məcəlləsinin oğurluq maddəsi ilə cinayət işi başlanıb.