KİVDF-dəki vəzifəsindən azad edilən ekspert danışdı: "Qalanın başındayam"

“Hər kəsin öz başa düşdüyünü dövriyyəyə buraxmaması üçün həqiqəti bilmək lazımdır. Bir neçə ay əvvəl mənə edilən təklifi qəbul edərək Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fonduna ştatdankənar ekspert təyin edildim. Neçə illərlik təcrübəmə söykənərək bu ötən müddətdə işə çiyin verdim. Dövlət işində az-çox təcrübəsi olan biri kimi yeni təyin olunan rəhbərlərin işləmək üçün öz kadrlarının ola biləcəyini bildiyimdən KİVDF-nin yeni icraçı direktoru Əhməd İsmayılova apardığım ştatdankənar işdən azad olunmağım barədə ərizə təqdim etdim. Ərizəm qəbul olundu....”Pravda.az-ın xəbərinə görə, bunu “Bakı-Xəbər” qəzetinin baş redaktoru Aydın Quliyev deyib.“Hazırda hər zamankı kimi özümün kərpic-kərpic tikdiyim yenilməz "Bakı-xəbər" "qalasının " başındayam və dövlətçilik prinsipi üzərində dəyişməz işimi davam etdirirəm” – A.Quliyev bildirib.