Ceyhun Musaoğlu Jurnalistika fakültəsinin qonağı olub

Jurnalist Ekspert Mərkəzinin (JEM) rəhbəri Ceyhun Musaoğlu Bakı Dövlət Universitetinin Jurnalistika fakültəsinin qonağı olub.


“Qafqazinfo”ya daxil olan məlumata görə, fakültənin IV kurs tələbələri ilə görüşən Ceyhun Musaoğlu müstəqil medianın formalaşması, müasir durumu barədə danışıb. Xəbəri jurnalistikanın ən çətin janrı hesab edən C.Musaoğlu jurnalist olmaq istəyən tələbələrin daha çox nəzəriyyə ilə yüklənməsinə diqqət çəkib, jurnalist üçün fikrin dəqiqliyi, obyektivliyi məsələlərinə toxunub. JEM rəhbəri həm də vətəndaş jurnalistikası və onun əskik tərəflərini tələbələrə izah edib.

Görüşdə Ceyhun Musaoğlu fakültə tələbələrinin suallarını dinləyib və ətraflı cavab verib.