Hərəsinin 4-5 cangüdəni var` - Siyavuş Novruzov

Parlamentin İctimai birliklər və dini qurumlar komitəsinin sədri, YAP icra katibinin müavini Siyavuş Novruzov Milli Məclisdə çıxışı zamanı "Siyasi partiyalar haqqında" qanuna dəyişiklik edilməsini təklif edib
Komitə sədrinin sözlərinə görə, əksər partiyalar maliyyə vəsaitləri ilə bağlı Mərkəzi Seçki Komissiyasına hesabat vermirlər:
"Təəssüf ki, partiyaları buna məcbur etmək mexanizmi qanunda nəzərdə tutulmayıb. Bu da qeyri-şəffaflıq yaradır. Yaxud da bir səhifə ağ kağız göndərir ki, onun maliyyə dövriyyəsi ümumiyyətlə yoxdur. Lakin baxanda görürsən ki, hər birinin aparatında onlarla işçi çalışır, hər bir sədrin 4-5 cangüdəni və bahalı avtomobili var. Sual olunur ki, gəlir və ya çıxar yoxdursa, qaranlıq mənbələr nədən ibarətdir?! Bu baxımdan "Siyasi partiyalar haqqında" qanuna dəyişikliklər edilməlidir".