Xarici İşlər Nazirliyi tərəfindən İslam Əməkdaşlıq Təşkilatının Avropa İttifaqı yanında Daimi müşahidəçisi vakant vəzifəsinə Xüsusi Tapşırıqlar üzrə Səfir Akşin Mehdiyevin namizədliyi irəli sürülüb.
"Korrupsiya və Qanun" qəzetinə istinad olraq Nazirliyin mətbuat xidmətindən “Qafqazinfo”ya daxil olan xəbərə görə, 4 noyabr 2015-ci il tarixində İslam Əməkdaşlıq Təşkilatının Ümumi Katibliyindən Xarici İşlər Nazirliyinə daxil olmuş notada İƏT-in Baş katibi tərəfindən səfir Akşin Mehdiyevin İƏT-in Avropa İttifaqı yanında Daimi müşahidəçisi vəzifəsinə qəbul edilməsi təsdiq edilərək, onun vəzifə səlahiyyətlərinin icrasına 1 dekabr 2015-ci il tarixindən etibarən başlayacağı bildirilib.
Səfir Akşin Mehdiyev 2001-2006-cı illərdə Azərbaycan Respublikasının Avropa Şurası, 2006-2014-cü illərdə isə BMT yanında Daimi Nümayəndəsi olub.
Xatırladaq ki, bundan əvvəl həmin vəzifəni Arif Məmmədov daşıyıb. “Qiyamçı diplomat” kimi təqdim olunan A. Məmmədov bu ilin iyun ayında vəzifəsindən azad edilib.
XİN: ATƏT DTİHB-nin seçkiləri "boykot" etməsi tamamilə qəbuledilməzdir
Azərbaycan yenidən ATƏT-ə müraciət etdi: "Seçkilərə ekspert göndərin"
Avropanın dördlər ittifaqından Bakıya dəstək
Mədət Quliyev milli təhlükəsizlik nazirinin I müavini təyin olundu
