Bərdədə Dövlət Bayrağı günü təntənə ilə qeyd olundu

9 noyabr tarixində Bərdədə Azərbaycan Respublikasının Dövlət Bayrağı gününə həsr edilmiş tədbir keçirilib.
"Korrupsiya və Qanun" qəzetinin məlumatına stinadən "Qafqazinfo"ya daxil olan məlumata görə, şəhərin Heydər Əliyev prospektindəki Bayraq Meydanından yürüşlə başlanan tədbir Bərdə Olimpiya kompleksində davam etdirilib.
Azərbaycan Respublikası Müdafiə Nazirliyi, Gəncə zabitlər evi və Bərdə rayon İcra Hakimiyyətinin birgə təşkilatçılığı ilə keçirilən tədbirdə Bərdə rayon İcra Hakimiyyəti başçısının müavini, YAP rayon təşkilatının sədri Fəqət Şadlinskaya çıxış edərək tədbir iştirakçılarını bayram münasibətilə təbrik ediblər.
Azərbaycan Respublikası Müdafiə Nazirliyi ictimaiyyətlə əlaqələr şöbəsinin rəis müavini polkovnik A.Qurbani, Bərdədə yerləşən “N” saylı hərbi hissənin komandir müavini E.Əliquliyev çıxış edərək tədbir iştiarakçılarını Bayraq günü münasibətilə təbrik edib, Azərbaycan Respublikasının prezidenti, Ali Baş Komandan İlham Əliyevin rəhbərliyi ilə işğal altında qalmış torpaqlarımızın tezliklə azad olunmasını və Azərbaycan Bayrağının Qarabağda, Şuşada dalğalanmasını arzulayıblar.
Sonra tədbir konsert proqramı ilə davam edib. Azərbaycan Respublikasının xalq artisti Azərinin ifasında səslənən mahnılar tamaşaçılara xoş ovqat bəxş edib. [xfgiven_embed] [/xfgiven_embed] [xfgiven_youtube][/xfgiven_youtube]