Özündən 17 yaş kiçik sevgilisi olan Aşıq Telli DANIŞDI

Artıq günlərdir aşıq Telli Borçalının özündən 17 yaş kiçik oğlanla sevgili olması haqda yayılan xəbərlər gündəmi zəbt edib. Sosial şəbəkədə bu xəbərə izləyicilərin münasibəti heç də bir mənalı olmadı.

Qaynarinfo.az xəbər verir ki, bir çoxları ifaçını tənqid etsə də, Telli bu haqda açıqlama verməkdən çəkinirdi. Lakin aşıq nəhayət ki, açıqlama verərək bütün söz-söhbətə son qoydu. Sən demə bütün bu yayılan xəbərlər şaiyəymiş

“Mən anlamıram , hər kəs mənim haqda istədiyi şeyi yazır, pozur. Bakıda deyiləm, gəlib bütün bu şaiyələri yayanları tapacam. Anlamıram bu əsassız xəbərləri kimlər uydurur. Hər gün məni ərə verib, boşandırırlar. Məni məndən xəbərsiz ərə veririrlər. Nə sevgilim var, nə də evlənmişəm. Mənlə danışmadan, görüşmədən belə xəbər necə vermək olar? Ölü arxasınca danışırsan? Kimsə bunu sifarişlə yazdırıb. Birinə salam verməyə, çay içməyə, yemək yeməyə peşman olursan. Deyirlər, sevgilidilər. Məni gündə birinə ərə verirlər. Bu orucluğa and olsun ki, belə şey ola bilməz”