“Elmin inkişafı ilə bağlı qəbul edilən çoxsaylı qərarlar sırasında Elmin İnkişafı Strategiyası mühüm yer tutur”.

“Elmin inkişafı ilə bağlı qəbul edilən çoxsaylı qərarlar sırasında Elmin İnkişafı Strategiyası mühüm yer tutur”.
"Korrupsiya və Qanun" saytının məlumatına görə, bunu Azərbaycan Mili Elmlər Akademiyasının pezidenti Akif Əlizadə YAP-ın "Yeni hədəflər naminə" adlı konfransında çıxışı zamanı deyib.
A.Əlizadə qeyd edib ki, dünyada və regionda gedən siyasi proseslər Azərbaycanda sabitliyə təsir etməyib: “Prezident İlham Əliyev dünyada intellekti ilə fərqlənən liderlərdən biridir. Ölkə başçısı son 10 ildə Azərbaycanı regionun lider ölkəsinə çevirib. Müasir dünyada elm sürətlə inkişaf edir. Azərbaycanda da elmi potensialın inkişafı mühüm prioritetlərdən biridir”.
AMEA prezidenti vurğulayıb ki, alimlər qarşısında həyata keçirilməli olan yeni mühüm vəzifələr müəyyənləşib:
“Azərbaycanda mövcud təbii şərait nəzərə alınmaqla kənd təsərrüfatının inkişafı, kimya sənayesinin inkişafında elmin yaxından iştirakının təmin edilməsi alimlərin qarşısında mühüm vəzifə kimi dayanıb. Bizdə hələ də elm və iqtisadiyyatın inkişafı ayrı-ayrılıqda baş verir. Biliklərə əsaslanan iqtisadiyyat qurmaq üçün biznes qurumları da buna dəstək göstərməlidirlər. Elm və istehsalat münasibətlərinin uğurla qurulmasına nail olmalıyıq”.