20 il təmir olunan piramidanın açılışı mərasimi keçirilib

V Unas sülaləsinin axırıncı fironunun 1996-cı ildən təmirdə olan piramidasının turistlər üçün təntənəli açılış mərasimi olub.

Musavat.com-un verdiyi məlumata görə, piramida Misir paytaxtının bir neçə kilometrliyindəki Sakkara rayonunda yerləşir. Açılış mərasimində Misirin qədim dövr işləri üzrə naziri Xalid əl-Annani və xarici arxeoloji ekspedisiya rəhbərləri iştirak ediblər.

Unas piramidası 1996-cı ildən təmir və restavrasiya üçün bağlanılmışdı. Bu piramida öz dövrünün ən kiçiklərindən sayılır.

Piramida xaricdən yarısökülmüş görünsə də, onun daxili otaqları kifayət qədər yaxşı saxlanılıb.