“Kürəkənimizi dəfn etdik, bacım uşağı da əməliyyat olunacaq...”

Xəbər verdiyimiz kimi dünən Yevlax rayonunda baş verən yol qəzasında dünyasını dəyişən 1957-ci il təvəllüdlü Mövsüm Məmmədkərimov Xalq artistləri Gülyaz və Gülyanaq Məmmədovaların bacısının həyat yoldaşıdır. Qəzada yaralanan Əli və Mahal Məmmədkərimovlar isə M.Məmmədkərimovun övladlarıdır.
Hadisəylə bağlı Moderator.az-a açıqlamasında Xalq artisti Gülyanaq Məmmədova bacısının həyat yoldaşını dəfn etdiklərini, bacısı uşaqlarının isə xəstəxayana yerləşdirildiyini bildirdi:
“Dünən kürəkənimizi dəfn etdik. Çox çətin idi. Bacım uşaqları isə xəstəxanaya yerləşdirilib. Bu gün Gəncəyə yollanacağıq, uşaqlardan birinin səhhəti yaxşı deyil, ona görə də əməliyyat olunacaq. İnşallah ümid edirik ki, hər şey yaxşı olar. Həkimlərimizə çox inanırıq. Həyatdı, Allah insanlarımızı qəzalardan qorusun. Diqqətiniz üçün çox sağ olun”.