Azərbaycanda ənənəvi pambıqçılıq yenidən inkişaf etdirilməlidir. Bu sahədə inkişafa nail olmaq üçün fermerlərə yeni güzəştlər, uzunmüddətli kreditlərin verilməsi nəzərdə tutulub.
"Korrupsiya və Qanun" saytı Report-a istinadən bildirir ki, bunu Bakıda keçirilən "Kənd təsərrüfatının perspektiv sahələrinin inkişafı üzrə Türkiyə-Azərbaycan təcrübəsi" mövzusunda əməkdaşlıq konfransında iqtisadiyyat naziri Şahin Mustafayev bildirib.
Nazir deyib ki, hazırda məsələ ilə bağlı şirkətlərlə danışıqlar aparılır.
"Pambığın alış qiymətinə yenidən baxılmalıdır", - deyə Ş.Mustafayev bildirib və Azərbaycanın idxaldan asılılığının azaldılmasının vacibliyini qeyd edib.
"Qarşıya qoyulan prioritet məqsədlərdən biri də ixracı stimullaşdırmaq, makroiqtisadi sabitliyi qoruyub saxlamaq, habelə investisiya, ixraca təkan vermək və biznesin inkişafına dəstək olmaqdır", - deyə iqtisadiyyat naziri bildirib.
Ölkə iqtisadiyyatında qeyri-neft sektorunun payının 70% təşkil etdiyini vurğulayan nazir bu rəqəmin gələcək illərdə daha da artacağını vurğulayıb.
Nazir: "Qiymət artımının qarşısı alınacaq"
15 minə yaxın yeni iş yeri açılacaq` - Nazir
İlham Əliyev Dünya Bankının vitse-prezidenti ilə görüşüb
Neft 16 dollar ola bilər – Sabiq maliyyə naziri
İstedadlı məzunlar işə cəlb edilməlidirlər- Nazir
