Hökməlinin yol, işıq problemi - İH-dən CAVAB

Abşeron rayonunun bir qrup sakini Lent.az-a şikayətlə müraciət edib. Şikayət ərizəsi rayonun Atyalı adlandırılan yaşayış massivinin Zərifə Əliyeva küçəsinin sakinləri tərəfindən göndərilib.
Sakinlər bildirirlər ki, onlar yol, elektrik enerjisi və zibil daşınmaları kimi problemlə üzləşirlər: “Ərazidə ilin bütün fəsillərində, xüsusilə də payız-qış aylarında işıqlar mütəmadi olaraq saatlarla sönür. Bundan başqa, qəsəbədaxili yollar palçıq içindədir. Biz aidiyyəti orqanlara - Abşeron rayon İcra Hakimiyyətinə, Hökməli bələdiyyəsinə mütəmadi müraciət etmişik, amma nəticə yoxdur”.
Rayon İcra Hakimiyyətinin qəsəbə nümayəndəliyindən problemin mövcudluğunu təsdiq ediblər. Qurumdan Lent.az-a bildiriblər ki, problem Avropa Oyunlarından sonra öz həllini tapacaq: “Həmin yaşayış massivi təzə salınıb. Deyilən problemlər mövcuddur. Bələdiyyə tərəfindən müəyyən işlər görülüb. Həmin ərazidə olan problemlər də tədricən öz həllini tapacaq”.
Ərazidən çəkilən fotoları təqdim edirik.