AĞ ÖLÜM...

Hər il dünyada insanlar müxtəlif səbəblərdən ölür. Amma bu ölümlərin içərisində elə bir ölümdə var ki, artıq həyatımıza asanca daxil olub, yavaş-yavaş sakit bir tərzdə öldürür. İyirmi birinci əsrin ən böyük bəlasına çevrilən narkomaniya, digər adı ilə ağ ölüm. Çox təssüf ki, ölkəmizdə də narkomaniya geniş vüsət alıb. Ən çox gənclər arasında yayılan ağ ölüm bir başa öldürməsə də insanı göz görə-görə məhv edir, həyatın zəhərləyir. Bir sözlə insan öz ölümünü gözləyir. Ani bir səhv, bir anlıq zövq duyğusu, dostların bir dəfəylə heçnə olmaz sözləri bir insanın məhvinə, bütövlükdə gəncliyin məhv olmasına gətirib çıxardır. Səhv seçilmiş dostlar, düzgün seçilməyən həyat tərzi, işdə və ailədə yaranan problemlər və onların həlli üçün atılan ən böyük yalnış hərəkət narkomaniyaya düçar olanların əsas səbəbi kimi gösdərilir. İlk vaxtlar narkotika böyük həzz versə də sonralar bu həzz yerini ölümlə dəyişir. Bir sözlə insan öz ölümünü hər gün izləyir. Gənclərin əksəriyyəti məhz bu həzzin qurbanına çevrilib ki, statistik məlumatlar həyəcan təbili çalır.

Ağ ölüm, düşünülmədən atılan bir addımın qurbanına çevrilməkdir.