Azərbaycan İdeyası

Bakı yollarında yeni qadağalar - FOTOLAR

Tarix:11-08-2016, 12:08
Baxış Sayı:416

Bakı yollarında yeni qadağalar - FOTOLAR
Bakının Azadlıq prospektində avtonəqliyyat vasitələrinin hərəkətində müəyyən dəyişikliklər edilib.

"Azəravtoyol" ASC-dən Qaynarinfo.Az-a bildiriblər ki, dəyişikliyə görə, avtonəqliyyat vasitələrinin prospektdən sağa Cəfər Xəndan küçəsinə işıqfordan dönmək qadağan olunub. Bunun əvəzinə sürücülərin kəsişməyə çatmamış köməkçi yoldan istifadə edərək maneəsiz saga doğru hərəkət etmələri üçün şərait yaradılıb. Cəfər Xəndan küçəsinə doğru rahat hərəkəti təmin etmək üçün köməkçi yolda genişləndirmə işləri aparılıb, asfalt-beton örtüyü yenilənib.

Tətbiq olunan daha bir dəyişiklik isə müntəzəm sərnişindaşıma ilə məşğul olan avtobuslar üçündür. Belə ki, avtobusların ümumi hərəkətə maneə yaratmadan hərəkətini təmin etmək, bununla da sıxlığı aradan qaldırmaq üçün onların Cəfər Xəndan küçəsi ilə kəsişməsindən prospektin əsas yolu ilə Süleyman Sani Axundov küçəsi ilə kəsişməyə, metronun "Azadlıq" stansiyasına doğru hərəkətinə qadağa qoyulub. Artıq onların hərəkəti köməkçi yola yönəldilib. Avtobuslar da Cəfər Xəndan küçəsi ilə kəsişməyə çatmamış köməkçi yola daxil olurlar. Daha sonra kəsişməni keçərək yan yolla hərəkətlərinə davam edə bilirlər. Bunun üçün sözügedən ərazidə təmir işləri aparılıb, əlavə "cib"li avtobus dayanacaqları inşa edilib, zəruri olan yerlərdə yol nişanları və Cəfər Xəndan küçəsi ilə kəsişməyə əlavə işıqforlar quraşdırılıb.

Sərnişin avtobuslarının və digər avtonəqliyyat vasitələrinin prospektin yan yolundan Məsud Davudoğlu küçəsinə, 6-cı mkr. istiqamətinə keçidini təmin etmək üçün əsas yola doğru yeni hissə açılıb. Yeni yol hissəsindən Məsud Davudoğlu küçəsinə keçid işıqforlarla tənzimlənir.

Süleyman Sani Axundov küçəsinə doğru irəliləyən avtobuslar isə sözügedən küçə ilə kəsişmədə yaradılan xüsusi dayanacaqlı hissəyə daxil olduqdan sonra M.Ə.Rəsulzadə qəsəbəsinə doğru prospekt boyunca hərəkətlərinə davam edə biləcəklər. Sözügedən küçə ilə prospektə doğru hərəkətdə olan avtonəqliyyat vasitələri üçün geri dönməni təmin etmək məqsədi ilə yeni yol hissəsi də salınıb.

Əks istiqamətdən gələn ictimai nəqliyyat üçün də sözügedən kəsişmədə xüsusi dayanacaqlı hissə yaradılıb. Bura daxil olan avtobusların hərəkəti müəyyən bir məsafədə köməkçi yolla yönəldilib. Daha sonra avtobuslar prospektin əsas yoluna çıxaraq hərəkətlərinə davam edə bilirlər.

Qeyd edilir ki, "Azəravtoyol" ASC tərəfindən edilən dəyişikliklər prospektin sözügedən hissəsində sıxlığın aradan qaldırılmasına müsbət təsir etmiş olacaq.
Bakı yollarında yeni qadağalar - FOTOLAR
Bakı yollarında yeni qadağalar - FOTOLAR
Bakı yollarında yeni qadağalar - FOTOLAR
Bakı yollarında yeni qadağalar - FOTOLAR
Bakı yollarında yeni qadağalar - FOTOLAR
Bakı yollarında yeni qadağalar - FOTOLAR
Bakı yollarında yeni qadağalar - FOTOLAR

OXŞAR XƏBƏRLƏR
İran İsraillə atəşkəsi təsdiqlədi
İran İsraillə atəşkəsi təsdiqlədi
Tramp: "Təbrik edirəm, dünya, artıq sülh vaxtıdır" - FOTO
Tramp: "Təbrik edirəm, dünya, artıq sülh vaxtıdır" - FOTO
İcra hakimiyyətləri ləğv olunur? -Hansısa başçı özünü Şah Abbas kimi aparırsa…
İcra hakimiyyətləri ləğv olunur? -Hansısa başçı özünü Şah Abbas kimi aparırsa…
Fars körfəzində 1 000-ə yaxın gəminin iştirakı ilə tıxac yaranıb
Fars körfəzində 1 000-ə yaxın gəminin iştirakı ilə tıxac yaranıb
Səssiz müharibə: Mediada İsrail-İran qarşıdurmasının görünməyən cəbhəsi
Səssiz müharibə: Mediada İsrail-İran qarşıdurmasının görünməyən cəbhəsi
Sabah 33 dərəcə isti olacaq - PROQNOZ
Sabah 33 dərəcə isti olacaq - PROQNOZ
Azərbaycanda karantin rejiminin müddəti uzadıldı
Azərbaycanda karantin rejiminin müddəti uzadıldı
QMİ Məhərrəmliklə bağlı FƏTVA VERDİ
QMİ Məhərrəmliklə  bağlı FƏTVA VERDİ