Natiq Cəfərlinin vəkili ona elan edilən ittihamlardan danışdı - Video

“4 aylıq həbs ağır cinayət olmalıdır… ”

Respublikaçı Alternativ Hərəkatının (REAL) icraçı katibi Natiq Cəfərli bir neçə saat öncə saxlanıb və barəsində 4 aylıq həbs qətimkan tədbiri seçilib. N.Cəfərlinin vəkili Cavad Cavadov ona qarşı irəli sürülən ittihamlarla bağlı Meydan TV-yə açıqlamasında məlumat verib.

Criminal.az saytı xəbər verir ki, C.Cavadov aşağıdakıları deyib: “İntiqam Əliyevə, Rəsul Cəfərova verilən oxşar ittihamlardır. Belə güman edirik. Çünki 4 aylıq həbs qətimkan tədbiri ağır cinayət olmalıdır. Artıq elan olunub, bir azdan polis idarəsinə aparacaqlar. Vəkil kimi qoşulacam işə. Bu gün artıq çatdıra bilmədik”. Həbsin niyə iş saatından sonra, gecə saatlarında baş tutması barədə sualı cavablayan C.Cavadov bu barədə şərh verməyib: “Elə buna görə. Bizim bura gəlib çıxmağımızın özü nəzərdə tutulmayan bir iş olub”.