İNDİ GÖRƏN TANIMAZ, ƏZƏL GÖRƏN AĞLASIN...

“Gəzməyə qərib ölkə, ölməyə Vətən yaxşı” – deyirlər. Ancaq əksər qeyrətli, ailəcanlı, zəhmətkeş Azərbaycan kişiləri canlarını işə satıb, sağlamlıqlarını doğmalarının rifahı üçün əridib, həkimə yalnız iş-işdən keçəndən sonra, təcili yardım maşınında getdikləri kimi, Akif də qərib ölkəyə gəzməyə yox, əyləncəyə deyil, dolanışıq dalınca getmişdi. Əzizləri onun qazancının bərəkəti hesabına bu zalım dünyanın çətinliklərinə qarşı dura bilirdi.
Dostlarının qəlbinə fərəh, düşmənlərə göz dağı verən oğul idi Akif. Həm də vətənpərvər idi. Dünyanın harasında olur-olsun, Azərbaycanı, Azərbaycançılığı təbliğ edər, soydaşlarımızın sevincinə - kədərinə şərik çıxar, milli kimliyi ilə fəxr edərdi.
Vətəndə ölməsə də, Vətəndə dəfn olundu, cismi Vətən torpağına qarışdı.
Bacısı Arifəyə təsəlli verməyə söz tapa bilmirəm. Dörd ay öncə böyük qardaşı Aydın, indi də digər qardaşı Akif haqq dünyasına qovuşdular. Allah hər ikisinə rəhmət eləsin, məzarları nurla dolsun. Ocaqlarının istisinə qızınan gəncləri, yeniyetmələri, uşaqları min budaq olsunlar.
“Korrupsiya və Qanun” qəzetinin baş redaktoru Xuraman Əhlimanqızı Quliyeva rəfiqəsi Arifə xanıma, qardaşı
Akif Ağayevin
vaxtsız vəfatı ilə əlaqədar kədərləndiyini bildirir, dərin hüznlə başsağlığı verir.