\
Azərbaycan Avtomobil Yolları Dövlət Agentliyinin (AAYDA) tabeliyindəki "Avtomobil Yollarının Mühafizə Xidməti"ndə korrupsiya halları ilə bağlı araşdırma başlayıb.
Oxu.Az "Qafqazinfo"ya istinadən xəbər verir ki, söhbət vəzifə səlahiyyətlərini aşma və korrupsiya halları ilə bağlı ittihamlardan gedir.
Qanun pozuntusu ilə bağlı Azərbaycan Avtomobil Yolları Dövlət Agentliyi tərəfindən Baş Prokuror yanında Korrupsiyaya qarşı Mübarizə Baş İdarəsinə müraciət edilib. Müraciət əsasında qurumun bəzi vəzifəli şəxslərinin dindirildiyi bildirilir.
Faktla bağlı aparılan araşdırma çərçivəsində kimlərinsə təqsirləndirilən şəxs qismində cəlb olunub-olunmadığı hələlik məlum deyil.
Qeyd edək ki, yeni AAYDA sədri Vüsal Nəsirlinin Əmri ilə Xidmətin rəisi Səftər İsmayılov bir neçə gün əvvəl vəzifəsindən azad edilib. O, 20 il "Avtomobil Yollarının Mühafizə Xidməti"nin rəisi işləyib.
Bibiheybət yolu açılır – RƏSMİ
Prezident tapşırıq verdi: Suqovuşan və Talışa aparan yolların bərpasına başlanılır
SUMQAYITIN EYİBLƏRİNİN ÜSTÜNÜ AÇAN YAĞIŞ. Sumqayıt payıza hazırdırmı ?
Nazirliyin idarə rəisi həbs edildi
Eldar Sultanov vəzifəsindən azad edildi
