Xəstəxanada anasının ölümünə görə etiraz edən şəxs həbs edildi - Video

Anasının ölümünə görə 3 saylı Şəhər Klinik Xəstəxanasında etiraz edən vətəndaş həbs edilib.

Unikal.org-un əldə etdiyi məlumata görə, Sabunçu rayon Məhkəməsinin qərarı ilə, 1979-cu il təvəllüdlü Məmmədov Rəfi Vaqif oğlu İnzibati Xətalar Məcəlləsinin 206-cı maddəsi (Qanunsuz olaraq narkotik vasitələrin, psixotrop maddələrin istehlakı, satış məqsədi olmadan şəxsi istehlak miqdarında hazırlanması, əldə edilməsi, saxlanılması, daşınması və ya göndərilməsi) ilə 20 gün müddətində həbs olunub.

Qeyd edək ki, Rəfi Məmmədov anası Məmmədova Əminə Hüseyn qızının ölümünə görə 3 saylı Şəhər Klinik Xəstəxanasının həkimlərini günahlandırırdı. O, bildirirdi ki, anası həkim səhlənkarlığına görə dünyasını dəyişib.