''ABŞ gəmilərinə qarşı cavab tədbiri görəcəyik'' - Rusiya

Rusiya ABŞ hərbi gəmilərinin Qara dənizə daxil olmasına qarşı mütləq cavab tədbirləri görəcək.

Avropa.info xəbər verir ki, bu açıqlama ilə Rusiya XİN-nin Ümumavropa Əməkdaşlığı departamentinin direktoru Andrey Kelin çıxış edib.

Kelin bildirib ki, ABŞ gəmiləri vaxtaşırı Qara dənizə girirlər.

“Əlbəttə, bu bizi razı salmır, şübhəniz olmasın ki, cavab tədbiri planlaşdırılır” – rus diplomatı belə deyib.

O, ABŞ təyyarədaşıyan gəmisinin Fars körfəzindən çıxıb Aralıq dənizinə üzməsinə də şərh verib. Rusiya XİN-nin nümayəndəsi deyib ki, amerikan gəmilərinin hərəkət etməsində qeyri-adi heç nə yoxdur. Hər kəsin azad şəkildə üzmək haqqı var.

Onun sözlərinə görə, ABŞ tərəfi güc göstərişi vəziyyətin gərginləşməsinə gətirib çıxarır.