Hakan Fidan Rusiyada Ermənistanla münasibətlər barədə danışdı

"Lazımi şərtlər yarandıqda Ermənistanla normallaşma prosesinə hazırıq".

Bu barədə Türkiyənin xarici işlər naziri Hakan Fidan Rusiyaya səfəri zamanı Türkiyə mətbuatına açıqlamasında Ermənistanla münasibətlərin normallaşma prosesi ilə bağlı şərh verərkən bildirib.

Hakan Fidan gündəmdəki məsələlərə dair jurnalistlərin suallarını cavablandırıb.

O, Türkiyə Prezidenti Rəcəb Tayyib Ərdoğanın iradəsi ilə birbaşa ticarət və uçuşlar da daxil olmaqla, bir çox əhəmiyyətli addımların atıldığını qeyd edib. Həmçinin Ermənistan baş naziri Nikol Paşinyan hökumətinin də çox vacib addımlar atdığını əlavə edib.

Hakan Fidanın sözlərinə görə, yeni dövrdə hansı işlərin görülməsinin zəruri olduğu aydındır.

"Həmin şərtlər yarandıqda normallaşma prosesinə hazırıq", - deyə nazir qeyd edib.