İran və ABŞ arasında məhbus qalmaqalı: Rəsmi Tehran məlumatı yalanladı

İranın məhkəmə hakimiyyəti respublikanın hər hansı bir ABŞ vətəndaşını azad etdiyini təkzib edir.

Qurumun rəsmi açıqlamasında "İran həbsxanalarından hər hansı bir amerikalı məhbusun azad edilməsi və ya dəyişdirilməsi baş verməyib", - deyə qeyd olunur.

Qeyd edək ki, ABŞ Prezidenti Donald Tramp daha əvvəl İranda saxlanılan bir amerikalı qadının azad edildiyini bildirmişdi. O, "Truth Social" platformasındakı paylaşımında bu xoşməramlı jestə görə Tehrana təşəkkür edib. Tramp azad edilən ABŞ vətəndaşının adını açıqlamayıb.