Hakim polisə hücum edərək ayağından dişlədi

Rusiyanın Yekaterinburq şəhərində qeyri-adi insident yaşanıb. Futbol hakimi polisə hücum edərək onun ayağından dişləyib.

Qaynarinfo.Az xəbər verir ki, Daxili İşlər Nazirliyinin Sverdlovsk vilayəti üzrə nümayəndəsi Nina Pelevina deyib ki, bu hadisə Uralın paytaxtında - Yekaterinburqda bazar ertəsi baş verib. Belə ki, yerli "Avotomobilist" ilə Sankt-Peterburq OİK-i ilə Kontinental Hokkey liqasının matçına buraxılmayan 1 kişi qeyri-adi üsulla oyuna baxmaq istəyib.

Nəticədə bu şəxs "Uralets" hokkey arenasının əməkdaşları tərəfindən tutularaq polis əməkdaşlarına təhvil verilib. Elə bu vaxt inzibati protokol tərtib etmək istəyən polislərdən biri həmin şəxsin hücumuna məruz qalıb. Həmin şəxs polisin ayağından dişləyib. Sonradan məlum olub ki, həmin şəxs hokkeyi sevən futbol hakimi imiş. Ona 15 sutkalıq həbs cəzası verilib.