Divarın arxa tərəfini göstərən kamera kəşf olundu

ABŞ-ın Massaçusets Texnologiya İnstitutunda (Massachusetts Institute of Technology - MIT) qeyri-adi videokamera hazırlanıb.
"Korrupsiya və Qanun" qəzeti İKT.lent.az-ın “Hürriyet”ə istinadən verdiyi məlumata görə, ən son texnoloji yenilikləri əks etdirən müasir kamera görünəni deyil, görünməyəni göstərir.
Mikrodalğalı siqnallardan istifadə edən bu kamera ilə hansısa maneənin, divarın arxasında nə olduğunu müəyyənləşdirmək mümkündür. Belə ki, divarın arxasındakı görüntünü 3D modelləşdirmə üsulu ilə təsvir edən kamera orada hansısa canlının olub-olmadığını qrafik formasında göstərir. Düzdür, görüntü foto keyfiyyətində olmur və aydın görünmür. Lakin gələcəkdə bu sahədə irəliləyiş əldə olunacağı bildirilir.